PATIANOD SA AGOS NG DAGAT PATUNGONG ANTARTIKA
Ayon sa pantas, walang bago sa ilalim ng araw, ang nagawa'y gagawin muli
at ang nangyari na ay masasaksihan muli, lahat ay nasa kahinugan.
Ano pa ang isasakatuparan sa gulang na ito?
Buhay ay isang biro, masela't mabigat, mapait at maanghang....
Ang katalagahan ay di kapani-paniwala, malimit nakamamangha.
Ngayon at sa oras ng paglisan, ipanalangin sa kalikasan ang mga inulila't iniwan.
Matanda ka na't maraming kapanahon ay lumisan na, tumugpa na
patungong Antartika.
Kaya di katakatakang umarte kang baliw, hibang, kulang-kulang....
Nakapaligid ang mga multo ng lumipas, mga kaluluwang di makatulog.
Humihingi ako ng sagot ngunit di ako binigyan....
Ngayon at sa oras ng paglisan, ipanalangin sa babaylan ang mga inulila't iniwan.
Hinanap ko ngunit di ko natagpuan--baka pinuslit ng tusong mangkukulam
O ng aninong kaharap ko sa salamin, kakakambal o katukayo....
Kung nagkasala, patatawarin ka raw, 'yon ang dinig ko. Baka chika-chika lamang. Alingawngaw sa sepulkro.
Baka ulol akong nagbibilang ng puting buhok sa aking ulo?
Ngayon at sa oras ng paglisan, ipanalangin sa bathala ang mga inulila't iniwan.
Nakaukit pa ba sa himaymay ng iyong gunita ang payo ng pantas?
Sa pagsisiyasat sa katotohanan, maghanda sa di inaasahan at di inaakala
Sapagkat lubhang mailap, mahirap matuklasan, at sakaling mabunggo
Sa pakikipagsapalaran, lubhang nakasisindak--
OK, handa ka na ba, salamangkero ng panaginip at talinghaga sa wika?
Di bale na, umalis ka man o dumating, patuloy ang pag-inog ng mundo--
Isang birong di mo masakyan, ngayon at sa oras ng iyong pagkawala....
Totoo, tunay, walang gulat, lumulutang, patianod sa mayuming dalampasigan.
---E. SAN JUAN, Jr.
Others have given their lives, without doubt or heed...Scaffold or open plain, combat or martyrdom's plight, 'Tis ever the same, to serve our home and country's need. -- JOSE RIZAL, "My Last Farewell" // Sapagkat ang mundo'y bayan ng hinagpis Mamamaya'y sukat tibayan ang dibdib... -- FRANCISCO BALAGTAS, "Florante at Laura" //
Subscribe to:
Post Comments (Atom)
review of MAELSTROM OVER THE KILLING FIELDS by E. San Juan, Jr;
A Book Review Maelstrom over the Killing Fields: Interventions in the Project Of National-Democratic Liberation By E. San Juan, Jr. [Publi...
-
The Aguilar-San Juan Scholarship Grant Home / Admissions / The Aguilar-San Juan Scholarship Grant The Aguilar-San Juan (ASJ) scholars...
-
KONTRA-MODERNIDAD: PAKIKIPAGSAPALARAN SA PAGTUKLAS NG SARILI NATING MAPAGPALAYANG KABIHASNAN Kung ang katotohanan ay matatagpu...
-
ULIRANG HALIMBAWA NI EFREN ABUEG: Tungo sa Mapagpalayang Sining ni E. San Juan, Jr. Kamakailan, bago ipinawalan ang “Morong 43” na biktima...
No comments:
Post a Comment