Monday, March 23, 2009

NICOLE STRIKES BACK FROM INSIDE "THE BELLY OF THE BEAST"


PAHIWATIG MULA SA 'BELLY OF THE BEAST" NI MS. NICOLASA ALIAS "NICOLE": "THIS BODY MY PROPERTY"

[Mensahe para sa mga Kababaihang Nakiramay at Nagmalasakit]

"Yankee go home, but take me with you"
--Sign on a placard during the anti-bases demo in 1991 in Subic Bay, Philippines




Tinuligsa ako't tinusok ng madla
Tinuhog akong parang baboy
Ay, Inay ko, walang-hiya raw ako
Tinumbok at tinadyakan tinigpas hinalay inupakan
Nilait minura dinuraan Wala raw akong puri o hiya
Anong alam nila?

Tuloy-tuluyan tagus-tagusan sa 'king katawan
Sagad-butong gahasa't alipusta
Lahat pinakialaman
Labis pa sa lamuyot lamusak kubabaw ni Daniel Smith

Malayo na ako ngayon sa mura't tungayawan
Malayo na sa Zamboanga at Subic Bay
Inagaw binawi ko na ang kaluluwa ko sa dahas at titig ng madla
Inangkin ko muli ang pag-aari ko ang pagkatao ko
Wala silang pakialam
Sumpa ko sa 'yo-- Pangako ko sa 'ting pagsasamahan--
Akong mananagot sa kasarinlan ng kasarian:

"This body my property... Keep off!
Walang VFA dito, salamat, Diyos ko, malaya na ako
Sa hustisya ng Inang Bayang nakapailalim pa rin ...."

Kailangang bumangon na, Darlin'....

--E. SAN JUAN, Jr.

No comments: